روح آباد رسول پور درگاہ شریف
یہ ضلع فیض آباد (اب امبیڈکر نگر) تحصیل ٹانڈہ کا ایک موضع ہے، جو بسکھاری اور کچھوچھہ کے درمیان واقع ہے اس کا ریلوے اسٹیشن اکبر پور او ر بس اسٹیشن بسکھاری ہے۔ یہ علاقہ پہلے ضلع جونپور میں شامل تھا اور اسکا کچھ نام نہ تھا، صرف جوگیوں کامسکن تھا، روضۂ مقدسہ کی تعمیر اور نیر شریف کی کھدائی کے بعد حضرت غوث العالم محبوب یزدانی سلطان سید اشرف جہانگیر سمنانی رحمتہ اللہ علیہ نے اس کا نام روح آباد رکھا۔ اورحضرت غوث العالم کے وصال کے بعد آپ کے بھانجے اور فرزندمعنوی حاجی الحرمین حضرت سید عبدالرزاق نورالعین رحمتہ اللہ علیہ جو آپ کے پہلے سجادہ نشین ہوئے اور وہاں کچھ آبادی ہوگئی تو آپ نے رسول پور نام رکھا۔ اس موضع کا پورا نام ”روح آباد رسول پور درگاہ“ہے، اور یہ جگہ مرجع خلائق اور قبلہ حاجات ہندوستان ہے۔ حضرت عمران چشتی”مرأۃ الاسرار“ میں تحریر فرماتے ہیں:۔
”آں مقام بہشت آراستہ گشت و تا امروز قبل حاجات ہندوستان است“
وہ جگہ جنت نشان ہے جو آج تک ہندوستان کا قبلۂ حاجات ہے۔
حضرت کو اس جگہ سے قلبی لگاؤ اور والہانہ محبت تھی، اس کا اندازہ حضرت کے اس شعر سے ہوتاہے:۔
اشرف از دل بدرکن میل سمناں
کہ روح آباد سمنان است مارا
اے اشرف اپنے دل سے سمنان کی محبت کو باہرنکال دو؛ اسلئے کہ روح آبادہمارا سمنان ہے۔
دارالامان
روضۂ مقدسہ سے کچھ دورپو رب کی سمت جہاں آپ اپنے اصحاب کے ساتھ بیٹھتے تھے اور اسرار و معارف کی باتیں کرتے تھے یہاں ایک بڑا تالاب ہے اور یہ جگہ بڑی پُر سکون ہے اس کانام دارالامان رکھا گیا۔ اب یہ نام عوام میں بگڑ کر ”دلّمواں“ سے مشہور ہے اوریہیں حضرت نورالعین کی بلی کامزاربھی ہے۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972